وصايا أمهات اليومين دول
*************
اوعى يابت تخيبى خيبة امك مع المنيل ابوكى من اولها كده حطى يابت النقط على الحروف قبل ما تجيبى جوزك من على الروف اه يا اختى الرجالة دول صنف ملعون اسالى امك اول حاجة يابت تعمليها تخلصى جوزك من حضن المحروسه امه ما تدلوش فرصة يشوفها كتير دى اول حاجة وبعدين تخشى عليه بالحنجل والمنجل وبالسهتنة اللى انتى وخداها عنى وتشوفى هو بيحب ايه اوى وما تدهولوش الا لما تلاقيه نخ وبقى عجينة طرية فى ايدك بصى يابت الرجال زى العيال كل ما تحرميه يدلدل ويمشى وراك تديله يتنمرد عليك اسمعى كلامى يابت ما هو انا خيبت علشان ملقيتش حد ينصحنى امى مهنها لله لو كانت فطمتنى على الفولةوحياة كنت نيمته يغنى ظلموه من ليلة الدخلة لغاية ما طلعته معاش مبكر المهم يابت حطى فى دماغك ان موضوع الجواز مش هق ومق وفسحة وخروجه لايا بت ده عاوز تكتيك علشان تعيشى مستريحة طول عمرك افهمى يا بت خدى جوزك على انه زبون وانت المطعم لازم تلاعبيه علشان تطلعى منه كل اللى انت عايزاه وانتى عارفة وانا عارفة اضعف حتة فى الرجالة ايوة ركزى على الحتة دى قوى لغاية ما تمسكيه منها خلاص يابت اما اقوم بقى الحق المغرب احسن يفوت
ههههههههههههههههههههه
موضوع: وصايا امهات اليومين دول هههههه 
الخميس أغسطس 27, 2009 11:23 pm
